A inversión aplícase ós plans de cooperación e de obras e servizos
O pleno da Deputación aprobou onte un amplo paquete de inversións para obras e gasto corrente que en toda a provincia supera os 27 millóns de euros, dos que cinco se repartirán entre os 16 concellos da comarca. Os plans aprobados son os de obras e servizos (POS) na súa anualidade correspondente, e o de cooperación, do que se benefician os de menos de 20.000 habitantes, cunha parte que sae dos propios concellos, que son os seguintes: Cabana, Camariñas, Cee, Cerceda, Corcubión, Coristanco, Dumbría, Fisterra, Laxe, A Laracha, Malpica, Muxía, Ponteceso, Vimianzo, Zas e Carballo.